As tres defensoras acollidas na segunda edición de Galicia Abriga visitaron esta mañá o Parlamento de Galicia, onde se reuniron con responsables de PP, PSOE e BNG. Ana Donis, Milagro Alvarado e Juventina López trasladaron ás representantes políticas galegas información sobre as súas entidades e países, así como sobre os proxectos nos que traballan e puideron explicar as consecuencias que ten na súa vida o activismo en prol dos dereitos humanos. Finalmente, os grupos parlamentarios acordaron unha declaración institucional en apoio do traballo das defensoras dos dereitos humanos, que foi lida no Pleno.
